ລັດຖະບານລາວພິຈາລະນາອາກອນເພື່ອອະນຸລັກສິ່ງແວດລ້ອມຈາກມົນລະພິດທາງອຸດສາຫະກຳ
ອຸດສາຫະກຳທີ່ສ້າງມົນລະພິດຈະຕ້ອງຈ່າຍອາກອນເພີ່ມເຕີມ ຕາມແນວທາງຍຸດທະສາດການພັດທະນາສີຂຽວຂອງລັດຖະບານ. ພາຍໃຕ້ຍຸດທະສາດດັ່ງກ່າວ ເຊິ່ງຮັບຮອງໂດຍ ທ່ານນາຍົກ ທອງລຸນ ສີສຸລິດ ໃນວັນທີ 30 ມັງກອນ, ກະຊວງການເງິນໄດ້ແຈ້ງອາກອນເພື່ອຫຼຸດຜ່ອນການສ້າງມົນລະພິດ ແລະ ຂີ້ເຫຍື້ອທີ່ເປັນອັນຕະລາຍຂອງອຸດສາຫະກຳຕ່າງໆ.
ປະຈຸບັນ ອຸດສາຫະກຳຕ້ອງເສຍອາກອນທຸລະກິດ ເຊິ່ງຄິດເປັນ 24% ຂອງກຳໄລຂອງບໍລິສັດ, ກໍຄືພາສີ, ອາກອນມູນຄ່າເພີ່ມ ແລະ ອາກອນລາຍຮັບ.
ເອກະພອນ ພູທອນສີ
